ब्लग - साहित्य / मनोरञ्जन

४३ देशका ९९ चलचित्र, शुक्रवारदेखि "एकादेशमा"




"Let There Be Light" यो बर्ष एकादेशमा महोत्सवको मुख्य थीम पनि हो । चलचित्रमा प्रकाशको भूमिका मुख्य रहन्छ । त्यस्तै केहि ओझेलमा परेका या भनौं धेरै मान्छेहरुलाई थाहा नभएका समाजका केहि कथाहरुलाई प्रकाश पार्ने किसिमका ३४ चलचित्रहरु यस अंश अन्तर्गत प्रदर्शन गरिनेछ ।



नेपालकै एउटा चर्चित लघु चलचित्र महोत्सव "एकादेशमा अन्तराष्ट्रिय लघु चलचित्र महोत्सव"को पाचौं संस्करण यहि शुक्रवारदेखि राजधानीको कुमारी सिनेमा हलमा सुरु हुदैछ । सोमवार नेपाल पर्यटन बोर्डको हलमा सम्पन्न भएको पत्रकार सम्मेलनमा आयोजक टिमले यस पाचौं संस्करणको विवरणहरु वृस्तीत रुपमा खुलाएको थियो ।


आयोजक टिमको भनाइ अनुसार देश तथा विदेशबाट आएका सैयौं चलचित्रहरु माझबाट उत्कृष्ट ९९ चलचित्र छानेर अब प्रदर्शन गर्न लागेका हुन् । यी ९९ चलचित्रहरु "Let There Be Light", "Changing Perspective", "Future Of Cinema" र "Power" गरि चार अंशमा चलचित्रको थीम अनुसार विभाजित गरिएको छ । 

"Let There Be Light" यो बर्ष एकादेशमा महोत्सवको मुख्य थीम पनि हो । चलचित्रमा प्रकाशको भूमिका मुख्य रहन्छ । त्यस्तै केहि ओझेलमा परेका या भनौं धेरै मान्छेहरुलाई थाहा नभएका समाजका केहि कथाहरुलाई प्रकाश पार्ने किसिमका ३४ चलचित्रहरु यस अंश अन्तर्गत प्रदर्शन गरिनेछ । जसमध्य १४ चलचित्रहरु कुमारी सिनेमा हलमा नियमित प्रदर्शन हुनुसंगै काठमाडौँ, ललितपुर र भक्तपुरको दरबार स्क्वायरमा पनि स्थानीयलार्इ लक्षित गरेर प्रदर्शन गरिनेछ । 


त्यस्तै "Changing Perspective"अंशमा भने अप्रचालित अभिव्यक्ति बोकेका, गहन काल्पनिकता बोकेका केन्द्रित कथन शैलीलाई आत्मसाथ गरेका २० लघु चलचित्रहरु परेका छन् । यी २० चलचित्रहरु बीच एक आपसमा प्रतिष्पर्धा चल्नेछ जसलाई निर्णायक नायिका मनिषा कोइराला, पाउलो बर्टोलिन र मोस्तफा सर्वार फारुकीको ज्युरी प्यानलले हेरेर यी मध्यको सर्वोत्क्रिष्टलार्इ पुरस्कार समेत प्रदान गरिनेछ । 


अर्को अंश रहेको छ "Future Of Cinema", यस अंशमा चलचित्र अध्यनरत बिद्यार्थीहरुले अध्यनकै क्रममा बनाएका उत्कृष्ट १७ चलचित्रहरु प्रदर्शन गरिनेछ । यस अंशमा पर्न सफल चलचित्रको निर्णायक प्यानल भने नेपाली चलचित्रकि सफल नायिका नम्रता श्रेष्ठको अगुवाईमा रहनेछ ।


"Future Of Cinema" एकादेशमा को चलचित्र अध्यन गर्ने बिद्यार्थीहरुलाई प्रोत्साहन गर्ने एउटा प्रयास पनि  हो । 


एकादेशमाको अन्तिम अंश भने "Power" भन्ने रहेको छ, यस अंशमा नारि शक्ति या नारि केन्द्रित चलचित्रहरु प्रदर्शन गरिनेछ । यो अंश एकादेशमाले यहि वर्षबाट सुरु गरेको हो । यस अंशमा १८ नारि केन्द्रित चलचित्रहरु प्रदर्शन गरिनेछ ।

यी विधाहरु बाहेक एकादेशमाले हरेक संस्करणमा कुनै एउटा देश लक्षित गरेर त्यहाँका चलचित्रहरुलाई पनि महोत्सवमा समावेश गर्दै आइरहेको छ । पोहोर साल भुटानको केहि चलचित्रहरुको स्वाद नेपाली दर्शकले लिन पाएका थिए भने यो बर्ष नेपाली चलचित्र प्रेमीहरुले बंगलादेशका स्तरीय चलचित्रहरु हेर्न सक्नेछन् ।

एकादेशमा अन्तराष्ट्रिय लघु चलचित्र महोत्सव यहि शुक्रवारदेखि आइतवारसम्म चल्नेछ । महोत्सवको ओपनिंग सेरेमोनी भने बिहिबार साँझ आयोजना हुदैछ । ओपेनिंग सेरेमोनीमा A Gentle Night, Retouh, Taste Of Love  र  Silver Bangles गरि ४ लघु चलचित्रहरु प्रदर्शन गरिनेछ भने यो महोत्सवको समापन समारोहमा विजेता चलचित्रहरुलाई अवार्ड दिनुका साथै 8 Minutes, You Are Seeing Things, Time Code र  A Curious Girl गरि ४ चलचित्र पनि प्रदर्शन गरिने जानकारी एकादेशमाका आयोजक टिमले हाम्रो पात्रोलार्इ जानकारी दिएका छन् । 

एकै छाना मुनि ९९ स्तरीय चलचित्रहरुको स्वाद लिन सक्ने यो मौका कुनै चलचित्र प्रेमीले नचुकाउनु होला, मंगसिर १, २ र ३ गते कुमारी सिनेमा हलमा आफ्नो सहभागिता अवश्य जनाउनु होला । "एकादेशमा"संगको "हाम्रो पात्रो"को सहकार्यलार्इ यस बर्ष पनि निरन्तरता दिदै  हाम्रो पात्रोले मिडिया सहकर्मी भइ एकादेशमालार्इ साथ दिदैछ । हाम्रो पात्रो आयोजक टिमलार्इ अग्रिम शुभ कामना ब्यक्त गर्दछ । एकादेशमाको ताजा अपडेटको लागि हाम्रो पात्रो प्रयोग गर्दै गर्नुहोला । 

Downloads


Contact

Buddhanagar-10, Kathmandu (Nepal)
Tel: +977 2298599
Email: [email protected]

Date Converter

Foreign Exchange

  • Currency
  • Buy
  • Sell
  • Indian Rupee (100)
  • 1.6
  • 1.6015
  • U.S. dollar
  • 103.88
  • 104.48
  • European euro
  • 122.46
  • 123.17
  • UK pound sterling
  • 137.67
  • 138.46
  • Swiss franc
  • 104.94
  • 105.55
  • Australian dollar
  • 78.52
  • 78.97
  • Canadian dollar
  • 81.25
  • 81.72
  • Singapore dollar
  • 76.63
  • 77.07
  • Japanese yen (10)
  • 9.26
  • 9.32
  • Chinese renminbi (Yuan)
  • 15.66
  • 15.75
  • Saudi Arabian riyal
  • 27.7
  • 27.86
  • Qatari riyal
  • 28.53
  • 28.69
  • Thai baht
  • 3.17
  • 3.19
  • UAE Dirham
  • 28.28
  • 28.44
  • Malaysian ringgit
  • 25.03
  • 25.18
  • Korean Won (100)
  • 9.47
  • 9.53
  • Swedish Krone
  • 12.31
  • 12.38
  • Danish Krone
  • 16.46
  • 16.55

Hamro Team

सम्पादक

सुदिना गौतम

व्यवस्थापक

सन्तोष कुमार देवकोटा

लेखक

सुयोग ढकाल

फोटो पत्रकार

आनन्द कुमार महर्जन

कला पत्रकार

मन्दिप गौतम