'थाङ्गला' चिसो मरूभूमीको कथा | Hamro Patro

नेपाली साहित्यका मूर्दन्य र दूर्लभ पात्र बरिष्ठ साहित्यकार अादरणीय सरुभक्त श्रेष्ठको आलेख 'थाङ्गला'मा आधारित अनि वरिष्ठ रगंकर्मी अनुप बरालको निर्देशनमा यहि भदौ १७ बाट असोज १५ सम्म बत्तिस पुतलीस्थित शिल्पी थिएटरको गोठालो नाटक घरमा प्रदर्शन गरिंदैछ ।

यहि अग्रणि रगंसंस्था 'एक्टर्स स्टुडियो' अनि तपार्इ-हामी सबैको प्रिय र नेपालीहरुले सर्वाधिक डाउनलोड गरेको मोबाइल एप्स 'हाम्रो पात्रो'बिच नेपालमा रगंकर्मको संस्थागत विकास अनि एक्टर्स स्टुडियोको विभिन्न क्रियाकलाप लगायतका नियमित रूपमा हुने नाट्य प्रर्दशन र यस सम्बन्धि ताजा जानकारीहरूलाई हाम्रो पात्रोले हजुरहरू समक्ष प्रस्तुत गर्ने जमर्कोको शुरुवात गरिएको छ ।

नेपाली साहित्यका मूर्दन्य अनि विशिष्ठ पात्र बरिष्ठ साहित्यकार सरूभक्त श्रेष्ठको आलेखमा आधारित वरिष्ठ रगंकर्मी अनुप बरालको निर्देशनमा यहि २०७३ भदौ १७ देखि असोज १५ सम्म बत्तिस पुतलीस्थित 'शिल्पी थिएटर'को गोठाले नाटकघरमा प्रदर्शन गरिंदैछ । 

यस बहुप्रतिक्षित नाटकलाई साताको मगंलवार बहेक हरेक बार साँझको ५ बजे पछि मञ्चन गरिनेछ भने शनिवार दिनको १ बजे अतिरिक्त मञ्चन गरिनेछ । छिट्टै हाम्रो पात्रोमा यस नाटकसंग सम्बन्धि थप साम्रगी पनि लिएर आउनेछौं । 

'एक्टर्स स्टूडियो'ले नेपाली रंगमञ्चमा कलात्मक, सार्थक र सामाजिकरुपमा प्रतिबद्ध नाटकहरू मञ्चन गरेर र यस्ता नाटकहरू मञ्चन गर्नसक्ने क्षमतावान रंगकर्मीहरूको उत्पादन गरेर विशिष्ट पहिचान बनाउँदै आएको छ र आफ्ना रयाडिकल, प्रयोगधर्मी एवं मौलिक कामहरुद्वारा नेपाली रंगमञ्चलाई विश्व रंगमञ्चको केन्द्रमा प्रयोगात्मक र प्रतिस्पर्धात्मक रूपले स्थापित गर्ने प्रयासको सहयात्रामा तपाइको प्रिय अनि विश्वसनिय मोवाइल सहयात्री हाम्रो पात्रोले पनि यसका हरेक गतिविधहरूमा संगसंगै पाइला चाल्नुका साथै रंगकर्मसंग सम्बन्धित भविष्यमा हुने नयाँ नविन नाटकहरूका बारेमा जानकारी तपाइ समक्ष क्रमशः प्रस्तुत गर्दै जानेछ ।

भदौ १७ बाट प्रसारण हुने नाटक 'थाङ्गला' चिसो मरूभूमीको कथा हो, हेर्न जाने हैन त ?