४ हजार ८ सय कर्मचारी कटौती गर्दैछ माइक्रोसफ्ट

क्यालिफोर्निया । अमेरिकी बहुराष्ट्रिय प्रविधि कम्पनी माइक्रोसफ्टले विश्वभरका ४ हजार ८ सय कर्मचारीको जागिर कटौती गर्ने घोषणा गरेको छ ।

यो कम्पनीको कुल कार्यबलको करिब २ दशमलव १ प्रतिशत हो । कम्पनीले आफ्नो गेमिङ व्यवसाय एक्सबक्समा व्यापक पुनर्संरचना गर्दै चार स्टुडियोलाई अलग गर्ने निर्णय पनि गरेको छ । कम्पनीका अनुसार गेमिङ डिभिजनमा मात्र ३ हजार २ सय पद कटौती गरिनेछ । तीमध्ये १ हजार ६ सय कर्मचारीलाई सोमबारदेखि नै बिदा गरिएको छ ।