सुन सफा गर्ने बहानामा ठग्दै हिँड्ने दुई भारतीय नागरिक पक्राउ

गाउँघरका बाटो-बाटो पुगेर सुन सफा गर्ने बहानामा ठग्दै हिँड्ने भारतीय नागरिक प्रहरी फन्दामा परेका छन्। जिल्लाको मध्येवर्ती गाउँपालिका उदयपुरगढी २ र ३ नं. वडाका महिलाकोसुन सफा गर्ने बहानामा ठग्ने दुई भारतीय नागरिक सोमबार दिउँसो पक्राउ परेका हुन्।

इलाका प्रहरी कार्यालय उदयपुरगढीको टोलीले भारतको बिहार राज्य, सहरसा जिल्ला पुरिक पुरुषोत्तमपुर ग्रामपञ्चायत (विहान थाना)का २८ वर्षीय गोबिन्दकुमार साह र विहारकै मधेपुरा जिल्ला रहताग्रामपञ्चायत (कुमार थाना)का ३३ वर्षीय सचिन साहलाई पक्राउ गरेको हो। अपरिचित व्यक्तिले गाउँघरकै बाटोघाटोमा हिँडिरहेका महिलाको सुन सफा गर्ने भन्दै ठगेको स्थानीयको मौखिक उजुरीका आधारमा प्रहरीले उनीहरूलाई नियन्त्रणमा लिएको हो।