थुनुवाको बयानमा वकिलको उपस्थिति सहज बनाउन र भिडियो रेकर्डिङ गर्न सर्वोच्चको परमादेश

सर्वोच्च अदालतले प्रहरी हिरासतमा रहेका अभियुक्तको बयान लिँदा माग गरेमा कानून व्यवसायी (वकिल) को भौतिक उपस्थितिलाई सहज बनाउने तथा गम्भीर प्रकृतिका फौजदारी मुद्दामा श्रव्य–दृश्य (अडियो–भिडियो) रेकर्डिङ अनिवार्य गर्ने व्यवस्था मिलाउन नेपाल सरकारका नाममा निर्देशनात्मक आदेश जारी गरेको छ ।

न्यायाधीश हरिप्रसाद फुँयाल र बालकृष्ण ढकालको संयुक्त इजलासले २०८२ साल पुस २१ गते दिएको फैसलाको पूर्णपाठ मंगलबार सार्वजनिक भएको हो । उक्त फैसला कानूनका विद्यार्थी सुवासचन्द्र झा र चक्रबहादुर रसाइलीले दायर गरेको रिट निवेदनमा भएको हो ।