रेडक्रसका सवारी साधन र चिन्ह दुरुपयोग गरे कारवाही हुने

काठमाडौँ - नेपाल रेडक्रस सोसाइटीले संस्थाका सवारी साधन, एम्बुलेन्स तथा रेडक्रस चिन्हको अनधिकृत प्रयोग नगर्न निर्देशन दिएको छ । संस्थाको छविमा आँच आउने गरी विभिन्न तहमा सवारी साधनको दुरुपयोग भइरहेको गुनासो बढेपछि रेडक्रसले निर्देशन दिएको हो ।

रेडक्रस केन्द्रीय कार्यालयले जारी गरेको पत्र अनुसार संस्थाका सम्पत्तिहरू विशुद्ध मानवीय सेवा, राहत, उद्धार, स्वास्थ्य सेवा, विपद् व्यवस्थापन र रक्तसञ्चार जस्ता स्वीकृत संस्थागत कार्यमा मात्र प्रयोग गर्न आग्रह गरेको छ ।