झापाका दुई डीएसपीसहित ११ प्रहरीविरुद्ध अनुसन्धान, मोबाइल नियन्त्रणमा

विराटनगर। झापाको काँकडभिट्टा नाकामा भइरहेको तस्करीमा सुरक्षाकर्मीकै मिलेमतो रहेको आरोप लागेपछि दुई जना प्रहरी नायब उपरीक्षक (डीएसपी) सहित ११ जना सुरक्षाकर्मीविरुद्ध उच्चस्तरीय अनुसन्धान सुरु भएको छ।

गृहमन्त्री सुधन गुरुङको स्थलगत निरीक्षणका क्रममा स्थानीयले तस्करीको ‘लाइन’ बारे सूचना दिएपछि इलाका प्रहरी कार्यालय काँकडभिट्टाका डीएसपी निशेष चापागाईं र सशस्त्र प्रहरी बल (बीओपी) काँकडभिट्टाका डीएसपी विकास थापा अनुसन्धानको घेरामा तानिएका हुन्।