सामुदायिक विद्यालयमा डिजिटल शिक्षाको विस्तार, मोदी गाउँपालिकाद्वारा स्मार्ट बोर्ड हस्तान्तरण

पर्वत । पर्वतको मोदी गाउँपालिकाले सामुदायिक विद्यालयमा प्रविधिमैत्री शिक्षाको विस्तार गर्ने अभियानअन्तर्गत माध्यमिक तहका सबै विद्यालयलाई स्मार्ट बोर्ड उपलब्ध गराएको छ ।

गाउँपालिकाले एक करोड २३ लाख २१ हजार रुपैयाँ खर्चेर ५२ वटा स्मार्ट बोर्ड खरिद गरी विद्यालयलाई हस्तान्तरण गरेको हो । प्रमुख प्रशासकीय अधिकृत बाबुराम पुरीका अनुसार उक्त सामाग्री पालिकाभित्र सञ्चालित माध्यमिक विद्यालयहरूमा वितरण गरिएको छ ।