उदयपुर सिमेन्ट उद्योगका कर्मचारी तलब माग्दै आन्दोलित

उदयपुर । गैडा छाप सिमेन्ट उत्पादन गर्दै आएको उदयपुर सिमेन्ट उद्योग लिमिटेड जलजलेमा कार्यरत मजदुरहरु तलब माग गर्दै आन्दोलनमा उत्रिएका छन् । सरकारी स्वामित्वमा रहेको सिमेन्ट उद्योग लामो समयदेखि बन्द छ । उद्योग बन्द भएपछि कामबिहिन भएका मजदुर तलब, सञ्चयकोष, नागरिक लगानी कोष तथा सेवा–सुविधा नपाएको भन्दै आन्दोलनमा उत्रिएका हुन् ।

उद्योगको मुख्य गेटमा शुक्रबार बिहान धर्ना दिँदै पत्रकार सम्मेलन गरेर मजदुरले आफ्ना माग तत्काल सम्बोधन गर्न सरकार र उद्योग व्यवस्थापन समक्ष आग्रह गरेका हुन् ।