मौद्रिक नीति: ‘पियर टु पियर’ लेनदेनको अध्ययन गरिने

काठमाडौँ । नेपाल राष्ट्र बैंकले मौद्रिक नीतिमार्फत वित्तीय प्रविधि र प्रणालीगत सुधारका नयाँ योजना अघि सार्दै भावी मार्गदर्शन सार्वजनिक गरेको छ।

केन्द्रीय बैंकले डिजिटल अर्थतन्त्र र नवप्रवर्तनलाई प्रोत्साहन गर्ने उद्देश्यका साथ व्यक्तिगत क्रेडिट स्कोरिङ प्रणालीमा आधारित ‘पियर टु पियर’ लेनदेन सञ्चालन गर्ने सम्बन्धमा आवश्यक अध्ययन गर्ने घोषणा गरेको छ। यसका साथै सरकारको राष्ट्रिय प्रतिबद्धता, शासकीय सुधारसम्बन्धी १०० बुँदे कार्यसूची र बजेट वक्तव्यमा समेटिएका बैंकसँग सम्बन्धित कार्यक्रमहरूलाई अन्य निकायहरूसँगको समन्वयमा क्रमश: कार्यान्वयन गर्दै लैजाने प्रतिबद्धता राष्ट्र बैंकले जनाएको छ।