कानेपोखरी ठगी प्रकरण : थप ११ पीडितद्वारा संयुक्त उजुरी, क्यान्सर रोगीदेखि बाख्रापालकसम्मको उठीबास

विराटनगर । मोरङको कानेपोखरी–६, रमाइलो बजारस्थित ‘शुभलक्ष्मी अधिकारी सुनचाँदी पसल’का सञ्चालकबाट करोडौँ रुपैयाँ ठगिएको भन्दै थप ११ जना पीडितले जिल्ला प्रशासन कार्यालय मोरङमा संयुक्त उजुरी दर्ता गराएका छन् ।

असार १ गते सोमबार दर्ता गरिएको उजुरीमा पीडितहरूले पसल सञ्चालक होमनाथ अधिकारी, उनकी श्रीमती बाटुलादेवी अधिकारी, छोराहरू ध्रुव र मनोज अधिकारी तथा बुहारीहरूसहितको परिवारले आफ्नो सर्वस्व हिनामिना गरेको उल्लेख छ ।