नेपाल-चीन आर्थिक साझेदारी सुदृढ बनाउने सहमति, एकद्वार प्रणालीमा जोड

२३ असार, काठमाडौं । नेपाल र चीनबीचको आर्थिक साझेदारी, द्विपक्षीय व्यापार तथा लगानी प्रवद्र्धनलाई थप प्रभावकारी र परिणाममुखी बनाउन दुवै देश सहमत भएका छन् ।

उद्योग, वाणिज्य तथा आपूर्तिमन्त्री गौरीकुमारी यादव र नेपाल भ्रमणमा रहेका चीनको वाणिज्य मन्त्रालय उपमन्त्री यान दोङ नेतृत्वको उच्चस्तरीय प्रतिनिधिमण्डलबीच मंगलबार सिंहदरबारमा भएको शिष्टाचार भेटवार्तामा यस्तो सहमति भएको हो ।