कुशल भुर्तेलको शतकमा नेपालको विशाल योगफल, निरीह मलेसिया

सिंगापुर । एसियन गेम्स पुरुष क्रिकेट क्वालिफायर अन्तर्गत नेपालले मलेसियाविरुद्ध रनको पहाड खडा गरेको छ। सिंगापुरमा जारी यस प्रतियोगितामा टस जितेर पहिले ब्याटिङ गरेको नेपालले निर्धारित २० ओभरमा ७ विकेट गुमाउँदै २७५ रनको विशाल योगफल तयार पारेको हो।

नेपालका लागि ओपनर कुशल भुर्तेलले विस्फोटक ब्याटिङ गर्दै सानदार शतक प्रहार गरे। उनले मात्र ५४ बलमा १४ चौका र ८ छक्काको मद्दतले १२६ रनको योगदान दिए। अर्का ओपनर आसिफ शेखले पनि आक्रामक पारी खेल्दै २४ बलमा ६८ रन बनाए, जसमा ५ चौका र ७ छक्का सामेल थिए।