रूस र उत्तर कोरियाबिच पहिलो सडक पुल सञ्चालन

रूस र उत्तर कोरियाले टुमेन नदीमाथि बनेको आफ्नो पहिलो सडक पुल उद्घाटन गरेका छन्।

दुई देशबिच बढ्दो रणनीतिक साझेदारीका बिच निर्माण भएको यो पुललाई आपसी सहयोग विस्तारको महत्त्वपूर्ण पूर्वाधारका रूपमा हेरिएको छ। एक किलोमिटर लामो दुई लेनको पुल उद्घाटन समारोहमा रूसका प्रधानमन्त्री मिखाइल मिशुस्टिन र उत्तर कोरियाका प्रधानमन्त्री पाक थाए सोङ भिडियोमार्फत सहभागी भएका थिए। झन्डाले सजिएका ट्रकहरू पनि उद्घाटनका क्रममा पुल पार गरेका थिए।