अर्जेन्टिनाको इतिहासमाथि धावा बोल्ने इजिप्टको सपना

इजिप्ट । लाखौँ इजिप्टेलीका लागि ऐतिहासिक दिन सुरु हुन केही घण्टा बाँकी रहँदा देशभर एउटै दृश्य देखिन्छ । गाडी र घरका कौसीमा राष्ट्रिय झण्डा फहराइरहेका छन्, लाउडस्पिकरबाट देशभक्तिपूर्ण गीत घन्किरहेका छन्, र क्याफेहरू साना फुटबल रंगशालामा परिणत भएका छन् ।

सार्वजनिक यातायातदेखि कार्यालय र बजारसम्म हरेक ठाउँमा एउटै प्रश्नले चर्चा पाइरहेको छ । के अर्जेन्टिनासँगको खेलपछि पनि ‘फेराओहरू’ले आफ्नो ऐतिहासिक विश्वकप यात्रा जारी राख्न सक्लान् ? इजिप्टले मंगलबार अमेरिकाको एटलान्टामा वर्तमान विश्वविजेता अर्जेन्टिनासँग अन्तिम–१६ को खेल खेल्दैछ । तर यो खेल अब केवल फुटबल प्रतियोगिता मात्र नभई राष्ट्रिय गौरवसँग जोडिएको एउटा विशेष अवसर बनेको छ ।