मुक्तिनाथ विकास बैंकले जानकी फाइनान्स र सिन्धु विकास बैंक प्राप्ति गर्ने

काठमाडौं : मुक्तिनाथ विकास बैंक लिमिटेडले सिन्धु विकास बैंक लिमिटेड र जानकी फाइनान्स कम्पनी लिमिटेडलाई प्राप्ति (एक्विजिसन) गर्ने भएको छ । सोमबार तीनवटै संस्थाका प्रतिनिधिबीच प्रस्तावित प्राप्तिसम्बन्धी प्रारम्भिक सम्झौतापत्रमा हस्ताक्षर भएको हो।

वित्तीय क्षेत्रको सुदृढीकरण, संस्थागत क्षमता अभिवृद्धि, व्यवसाय विस्तार तथा ग्राहकलाई थप प्रभावकारी वित्तीय सेवा उपलब्ध गराउने उद्देश्यले प्राप्ति प्रक्रिया अघि बढाइएको जनाइएको छ।