फेसबुकमा स्वास्थ्य मन्त्रीलाई ‘चोर दलाल’, ‘माफिया’ भन्दै आलोचना गर्ने स्वास्थ्यकर्मी प्रहरी नियन्त्रणमा

काठमाडौं । सामाजिक सञ्जालमा स्वास्थ्य तथा खाद्य स्वच्छता मन्त्री निशा मेहताका विरुद्ध टिप्पणी गरेको आरोपमा धनुषाका स्वास्थ्यकर्मी नवेश अधिकारीलाई प्रहरीले नियन्त्रणमा लिएको छ । जिल्ला प्रहरी कार्यालय धनुषाले उनलाई सोमबार राति नियन्त्रणमा लिएको हो ।

जिल्ला प्रहरी कार्यालयका प्रवक्ता डीएसपी मधुसुधन न्यौपानेले अधिकारीलाई सामान्य सोधपुछका लागि नियन्त्रणमा लिइएको दाबी गरे । डीएसपी न्यौपानेले टेकपानासँग भने, “केही विषयमा बुझ्नका लागि उहाँलाई बोलाइएको हो । आवश्यक सोधपुछपछि उहाँ मंगलबार बिहानै घर फर्किसक्नुभएको छ ।”