बङ्गलादेशमा पहिरोमा ९ जनाको मृत्यु, रोहिङ्ग्या शरणार्थी शिविरमा ८ जनाको ज्यान गयो

काठमाडौँ । दक्षिणपूर्वी बङ्गलादेशमा लगातार परेको मनसुनी वर्षापछि गएको पहिरोमा कम्तीमा नौ जनाको मृत्यु भएको छ । मृतकमध्ये आठ जना रोहिङ्ग्या शरणार्थी रहेका छन् ।

आइतबार रातिदेखि सोमबार बिहानसम्म कक्स बजारस्थित रोहिङ्ग्या शरणार्थी शिविरका चार स्थानमा पहिरो गएको थियो । पहिरोले माटो र ढुंगामाटोको थुप्रोसहित अस्थायी आश्रयस्थलहरू पुरिँदा त्यहाँ सुतिरहेका मानिसहरू च्यापिएका थिए ।