कांग्रेसको निर्वाचन समितिको बैठक बस्दै, वडा अधिवेशनको नयाँ मिति तय हुने

काठमाडौं– नेपाली कांग्रेसको केन्द्रीय निर्वाचन समितिले मंगलबार बैठक बोलाएको छ। पार्टी कार्यालय बीपी स्मृति भवन, सानेपामा दिउँसो १ बजे बस्ने गरी बैठक आह्वान गरिएको हो।

बैठकले केन्द्रीय महाधिवेशनको निर्धारित मिति नसार्ने गरी वडा, पालिका हुँदै प्रदेश तहसम्मको नयाँ अधिवेशन कार्यतालिका तय गर्ने तयारी गरेको छ। स्रोतका अनुसार वडा अधिवेशन कम्तीमा एक साता पछि सार्ने निश्चित भएको छ।