एमआरपी अन्योलले आयात प्रभावित, चाडपर्वमा सामान अभाव हुने जोखिम

२३ असार, काठमाडौं । आगामी आर्थिक वर्षदेखि आयातित सम्पूर्ण वस्तुमा भन्सार बिन्दुमै अधिकतम खुद्रा मूल्य (एमआरपी) अनिवार्य गर्ने सरकारको नीति छ । सरकार गत वर्षदेखि नै यो नीति लागु गर्न अडिग थियो । विभिन्न कारणवस् त्यो लागु हुन सकेन । अब भने जसरी पनि आयातित वस्तुमा अनिवार्य एमआरपी लागु गर्नुपर्छ भन्ने पक्षमा सरकार छ ।

तर, भन्सार बिन्दुमै एमआरपी कार्यान्वयनमा व्यवसायीहरू अझै पनि अलमलमै रहेका छन् । चाडपर्व लक्षित सामान आयात गर्ने मुख्य समय सुरु भइसक्दा पनि एमआरपी र भन्सार नीतिकै कारण अन्योल भएको र खासै बाहिरबाट नयाँ सामान अर्डर नगरेको व्यवसायीले बताएका छन् ।