सुदूरपश्चिम बजेट : खर्च कटौतीको प्रस्ताव पेस गर्ने सत्तारुढ एमालेको निर्णय

२३ असार, धनगढी । सुदूरपश्चिम प्रदेशमा सत्तारुढ दल नेकपा एमालेले सरकारले ल्याएको अगामी आर्थिक वर्षको बजेटमा खर्च कटौतीको प्रस्ताव पेस गर्ने निर्णय गरेको छ । मंगलबार आर्थिक मामिलामन्त्री विक्रमसिंह धामीले बजेटसँग सम्बन्धित विधेयक प्रदेश सभामा पेस गरेपछि बसेको एमाले संसदीय दलको बैठकले खर्च कटौतीको प्रस्ताव पेस गर्ने निर्णय गरेको हो ।

समान्यतया: खर्च कटौतीको प्रस्ताव विपक्षी दलले गर्ने संसदीय परम्परा छ । तर, सुदूरपश्चिममा भने बजेटप्रति असन्तुष्ट सत्तारुढ एमालेले नै उक्त प्रस्ताव लैजाने निर्णय गरेको हो ।