माछापालनबाट वार्षिक ५० लाख आम्दानी गर्दै अधिकारी

काठमाडौं । भीष्म अधिकारीले वार्षिक ५० लाख आम्दानी गर्न थालेका छन् । दश कट्ठा क्षेत्रफलबाट सुरु गरेको माछापालन १६ बिघामा पुगेपछि उक्त आम्दानी हुन थालेको हो । उनी सुनसरीको बराहक्षेत्र नगरपालिका–९ का मेहनती किसान हुन् ।

उनले माछापालनबाट दाना, माछाका भूरा, कर्मचारीलगायत खर्च कटाएर वार्षिक रु ५० लाखभन्दा बढी आम्दानी गरेका छन् । विसं २०५२ मा दश कट्ठाबाट माछापालन सुरु गरेका अधिकारीले हाल १६ बिघा क्षेत्रफलमा ३० वटा पोखरी निर्माण गरी सात प्रजातिका माछा पाल्दै आएका छन् ।