पहिरोले थुनिएको ताल फुट्ने जोखिम रहेको भन्दै चिनियाँ दूतावासद्वारा सतर्क रहन आग्रह

एजेन्सी । चिनियाँ दूतावासले नेपाल–चीन सीमा भएर बहने नदीको माथिल्लो क्षेत्रमा आएको ठूलो हिमपहिरोका कारण नदी थुनिएर बनेको ताल फुट्न सक्ने भन्दै उच्च सतर्कता अपनाउन आग्रह गरेको छ ।

दूतावासका प्रवक्ताद्वारा शुक्रबार जारी विज्ञप्ति अनुसार, केही दिनअघि नेपालतर्फको माथिल्लो क्षेत्रमा खसेको चट्टान र बरफसहितको हिमपहिरोले सीमा नदीको एक सहायक नदीलाई थुनेर ताल बनाएको हो । हाल उक्त तालमा पानीको सतह निकै उच्च विन्दुमा पुगेको र पानी बाहिर बग्न सुरु भइसकेकाले तालको बाँध फुट्ने र थप बाढी आउने जोखिम बढेको जनाइएको छ ।