ह्यारीले हारे मुद्दा

काठमाडाैँ । सञ्चारमाध्यम डेली मेलको प्रकाशकविरुद्ध दायर गरिएको मुद्दामा बेलायतका राजकुमार ह्यारी र अन्य ६ जना विशिष्ट व्यक्तिहरू पराजित भएका छन्। बेलायती उच्च अदालतका न्यायाधीशले मंगलबार ती सबै दाबीहरू खारेज गरिदिएका हुन्।

एसोसिएटेड न्युजपेपर्स लिमिटेड (एएनएल) विरुद्ध लगाइएका गैरकानुनी सूचना सङ्कलनका आरोपहरू प्रमाणित हुन नसकेपछि अदालतले यस्तो फैसला सुनाएको हो। न्यायाधीश म्याथ्यु निकलिनले फैसलाको संक्षेपमा दाबीकर्ताहरूका आरोप गम्भीर भए पनि शङ्का मात्र पर्याप्त नहुने उल्लेख गरेका छन्।