अस्ट्रेलियाकी विदेशमन्त्री वोङले गरिन् नेपाली दूतावास पुगेर शोक पुस्तिकामा हस्ताक्षर

२३ भदौ, काठमाडौं । भोटेकोशी बाढीका कारण भएको ठूलो मानवीय क्षतिप्रति दुःख व्यक्त गर्दै अस्ट्रेलियाकी विदेशमन्त्री पेनी वोङले क्यानबेरास्थित नेपाली राजदूतावास पुगेर शोक पुस्तिकामा हस्ताक्षर गरेकी छन्।

मंगलबार सामाजिक सञ्जालमार्फत जानकारी दिँदै विदेशमन्त्री वोङले विपद्को यस कठिन घडीमा अस्ट्रेलिया नेपाली जनता र नेपाल सरकारको साथमा उभिएको बताएकी छन्।