एन्ड्र्यु माउन्टब्याटन–विन्डसरमाथि नयाँ प्रश्न: राजकीय सम्पत्तिबाट आय आर्जन गरेको खुलासा

बेलायतको सार्वजनिक खर्च अनुगमन गर्ने निकाय नेशनल अडिट अफिस (एनएओ) ले सार्वजनिक गरेको नयाँ प्रतिवेदनले एन्ड्र्यु माउन्टब्याटन–विन्डसरले रोयल लज परिसरभित्रका तीन वटा कुटीर (कॉटेज) उपभाडामा दिएर अघोषित आम्दानी गरेको खुलासा गरेको छ।

एनएओको २० वर्षयताको पहिलो विस्तृत प्रतिवेदनले एन्ड्र्यु, उनका परिवार र कर्मचारीहरूले प्रयोग गरिरहेका १२ वटा राजकीय सम्पत्तिको अवस्था र व्यवस्थापनबारे जानकारी दिएको छ। ती सम्पत्तिहरू क्राउन इस्टेट वा राजपरिवारको स्वामित्वमा रहेका छन्।