सेवाग्राहीमाथि हातपात गर्ने यातायात कार्यालय बाराका प्रमुख आचार्यको जिम्मेवारी खोसियो

कार्यालयमै सेवाग्राहीमाथि हातपात गरेको भिडियो सार्वजनिक भएपछि यातायात व्यवस्था कार्यालय बाराका निमित्त कार्यालय प्रमुख चिन्तन आचार्यलाई जिम्मेवारीबाट हटाइएको छ ।

मधेश प्रदेश सरकारको श्रम तथा यातायात मन्त्रालयले मंगलबार मन्त्रीस्तरीय निर्णयबाट आचार्यलाई मन्त्रालय तानेको हो । मन्त्रालयका सूचना अधिकारी सुनिल साहका अनुसार उनको स्थानमा बारा यातायात व्यवस्था कार्यालयका अधिकृत रामस्वार्थ महतोलाई निमित्त प्रमुखको जिम्मेवारी दिइएको छ ।