नक्कली भुटानी शरणार्थी प्रकरण: टोपबहादुर रायमाझी मुख्य योजनाकार, बालकृष्ण खाण मतियार

नेपाली नागरिकलाई नक्कली भुटानी शरणार्थी बनाएर अमेरिका पठाउने नाममा भएको करोडौँको ठगी र सङ्गठित अपराध प्रकरणमा काठमाडौँ जिल्ला अदालतले पूर्व उपप्रधानमन्त्री टोपबहादुर रायमाझीलाई मुख्य योजनाकार बनाउँदै दोषी ठहर गर्दा पूर्व गृहमन्त्री बालकृष्ण खाणलाई मतियार भनी दोषी ठहर गरेको छ।

न्यायाधीश तेज बहादुर खड्काको इजलासले उच्चपदस्थ राजनीतिज्ञ, कर्मचारी र बिचौलियाहरूलाई दोषी ठहर गरेको हो। रायमाझीलाई यस प्रकरणको 'प्रमुख योजनाकार' मध्ये एक मानिएको छ ।