जेन–जी बलिदानको सम्मान गर्दै मानव अधिकार आयोगको सिफारिस कार्यान्वयन गर्न कांग्रेसको माग

काठमाडौं ।

नेपाली कांग्रेसका नेता भीष्मराज आङदेम्बेले जेन–जी आन्दोलनका क्रममा भएका घटनाको निष्पक्ष अनुसन्धान गरी राष्ट्रिय मानव अधिकार आयोगका सिफारिस तत्काल कार्यान्वयन गर्न सरकारसँग माग गरेका छन् । जेन–जी विद्रोह भएको एक वर्ष पूरा भएको अवसरमा मंगलबार वक्तव्य जारी गर्दै आङदेम्बेले आन्दोलनका क्रममा ज्यान गुमाएका युवाप्रति श्रद्धाञ्जली तथा घाइतेहरूको शीघ्र स्वास्थ्यलाभको कामना गरेका छन् । उनले कर्तव्यपालनका क्रममा ज्यान गुमाएका सुरक्षाकर्मीप्रति समेत सम्मान व्यक्त गरेका छन् ।