डिजिटल रूपान्तरण र पूर्वाधार विकासमा एडीबीको जोड, नेपाललाई ३ खर्ब ६५ अर्ब सहयोग गर्ने प्रतिबद्धता

काठमाडौं । एसियाली विकास बैंक (एडीबी) ले नेपालको डिजिटल रूपान्तरण, दिगो पूर्वाधार विकास र आर्थिक सुधारका लागि आगामी सन् २०२९ सम्ममा दुई अर्ब ४० करोड अमेरिकी डलर (करिब तीन खर्ब ६५ अर्ब नेपाली रुपैयाँ) बराबरको वित्तीय सहयोग गर्ने प्रतिबद्धता जनाएको छ ।

नेपाल र एडीबीबीचको साझेदारीको ६० वर्ष पुगेको अवसरमा नेपाल भ्रमणमा रहेका एडीबीका अध्यक्ष मासातो कान्डा र प्रधानमन्त्री वालेन्द्र शाह (बालेन) बिच मंगलबार भएको शिष्टाचार भेटमा यस्तो प्रतिबद्धता व्यक्त गरिएको हो । भेटका क्रममा प्रधानमन्त्री शाहले सुशासन र पारदर्शितामार्फत नेपालको विकासमा नयाँ फड्को मार्ने विश्वास व्यक्त गरे ।