औद्योगिक क्षेत्रलाई अधिकारसम्पन्न र सबल बनाइने : सभापति अन्सारी

प्रतिनिधिसभाअन्तर्गतको उद्योग तथा वाणिज्य, श्रम तथा उपभोक्ता हित समितिका सभापति रहबर अन्सारीले देशभरका औद्योगिक क्षेत्रको वास्तविक अवस्था अध्ययन गरी आवश्यक नीतिगत सुधारका लागि समिति सक्रिय रूपमा अघि बढ्ने बताएका छन्।

मंगलबार बालाजु औद्योगिक क्षेत्र व्यवस्थापन लिमिटेडको स्थलगत निरीक्षणपछि सञ्चारकर्मीसँग कुरा गर्दै उनले औद्योगिक क्षेत्रको व्यवस्थापन, उद्योग सञ्चालनको अवस्था तथा श्रमिकहरूको अवस्था प्रत्यक्ष रूपमा बुझ्न निरीक्षण गरिएको बताए।