हिमाल पग्लिँदै गर्दा संसारले कहिलेसम्म हेरेर बस्ने ?

नेपालको भूगोल सुन्दर छ, हिमाल, पहाड तराई अनि यहाँको हावापानी पनि त्यस्तै राम्रो छ तर यही भूगोल आज जलवायु संकटको कठोर परीक्षामा छ।

हिमाल, हिमनदी, हिमताल, नदी र पहाड नेपालको प्राकृतिक सम्पदा मात्र होइनन्, करोडौं मानिसको जीवन, जीविका र भविष्यसँग जोडिएका आधार हुन् तर विश्वको तापक्रम बढ्दै जाँदा यही हिमाली भूगोल क्रमशः जोखिमको केन्द्र बन्दै गएको छ।