कोशी रिफ्रेसमेन्ट सेन्टरमा भ्रष्टाचारको गन्ध !

विराटनगर । पूर्वपश्चिम महेन्द्र राजमार्गअन्तर्गत सुनसरीको कोशी कटान क्षेत्रमा केही निर्माणाधीन संरचना देखिन्छन् । ती संरचना ‘कोशी रिफ्रेसमेन्ट सेन्टर’का हुन् । आर्थिक वर्ष २०७४/०७५ मा व्यक्तिगत रहर र महत्त्वाकाङ्क्षाले सुरु भएको यो आयोजना अहिले राज्यलाई नै बोझ बनेको छ ।

सुरुआती समयमा दुई लाख रुपैयाँ खर्चेर सवारी चालकका लागि आराम गर्ने ठाउँ बनाउने अवधारणाबाट सुरु भएको यो योजनामा ‘राजनीतिक नेक्सस’ जोडिएपछि दुई अर्ब रुपैयाँको परियोजनामा रुपान्तरण भयो, जसका कारण राज्यको ठुलो लगानी अहिले खेर जाने अवस्थामा पुगेको छ ।