विदेश पठाइदिने भन्दै ठगी गर्ने पक्राउ

काठमाडौँ । आकर्षक वैदेशिक रोजगारीका नाममा ठगी गर्ने चार जनालाई प्रहरीले पक्राउ गरेको छ । उनीहरुले विभिन्न व्यक्तिबाट रु २४ लाख ४५ हजार बराबरको ठगी गरेको आरोप लागेको छ ।

काठमाडौँ उपत्यका अपराध अनुसन्धान कार्यालयले आज पक्राउ परेकालाई सार्वजनिक गरेको हो । पक्राउ पर्नेमा लमजुङका पूर्णबहादुर दुरा, दोलखाका कमला खत्री र रामकुमार श्रेष्ठ सुर्खेतका सरस्वती गिरी छन् ।