११ महिनामा ४७ अर्बभन्दा बढी वैदेशिक लगानी प्रतिबद्धता, २५ हजार रोजगारी सिर्जना हुने

काठमाडौं- चालु आर्थिक वर्ष २०८२/८३ को पहिलो ११ महिनामा नेपालमा ४७ अर्ब ६१ करोड रुपैयाँभन्दा बढी प्रत्यक्ष वैदेशिक लगानी (एफडीआई) प्रतिबद्धता आएको छ। उद्योग विभागका अनुसार वैशाख मसान्तसम्म ४७ अर्ब ६१ करोड ६९ लाख ४६ हजार रुपैयाँ बराबरको वैदेशिक लगानी स्वीकृत भएको हो।

विभागका अनुसार यस अवधिमा अटोमेटिक रुटमार्फत ७ अर्ब ७१ करोड रुपैयाँ तथा अप्रुभल रुटमार्फत ३९ अर्ब ९० करोड रुपैयाँ बराबरको लगानी स्वीकृत भएको छ। कुल ९१४ कम्पनीमार्फत लगानी प्रतिबद्धता आएकोमा २०३ कम्पनी अप्रुभल रुट र ७११ कम्पनी अटोमेटिक रुटबाट दर्ता भएका छन्।