२-० ले पछि परेको अर्जेन्टिना मेसीको उत्कृष्ट प्रदर्शनमा ३-२ को जित निकाल्दै अन्तिम आठमा

सन् २०२६ को विश्वकपमा साविक विजेता अर्जेन्टिनाले फेरि एकपटक हारको मुखबाट उम्किँदै इजिप्टविरुद्ध अन्तिम १६ को खेलमा चमत्कारिक जित हात पारेको छ। इजिप्टले सुरुमा उत्कृष्ट खेल प्रदर्शन गर्दै २-० को अग्रता लिएको थियो। तर अन्तिम ११ मिनेट बाँकी छदा अर्जेन्टिनाले ३ गोल फर्काउँदै खेल आफ्नो पक्षमा पारेर क्वार्टरफाइनलको यात्रा तय गर्‍यो।

यसअघिको खेलमा केप भर्डसँग पनि निकै संघर्ष गरेको अर्जेन्टिना इजिप्टविरुद्ध पनि सुरुमा निरीह देखिएको थियो। इजिप्टका लागि यासिर इब्राहिम र मोस्तफा जिकोले गोल गर्दै टोलीलाई २-० को बलियो स्थितिमा पुर्‍याएका थिए। त्यतिबेलासम्म सबैलाई लागेको थियो कि विश्व च्याम्पियन अर्जेन्टिना यसपटक बाहिरिनेछ।