हुथीको आक्रमणबाट ७३ जना घाइते

२३ भदौ, काठमाडौं । यमनमा रहेको साउदी अरब नेतृत्वको सैन्य गठबन्धनले इरान समर्थित हुथी लडाकुहरूको आक्रमणबाट कम्तीमा ७३ जना घाइते भएको दाबी गरेको छ। बीबीसी फारसी सेवाका अनुसार गठबन्धनले यी आक्रमणहरूको निर्णायक जवाफ दिने बताएको छ।

यमनको धेरै जनसंख्या भएको क्षेत्र र उत्तरी भागमा हुथी विद्रोहीहरूको नियन्त्रण छ। उनीहरूले जुलाई महिनामा साउदी अरबविरुद्ध नौसैनिक नाकाबन्दीको घोषणा गरेका थिए। त्यसपछि उनीहरूले साउदी अरबमाथि आक्रमण सुरु गरेका हुन्। उनीहरूले रेड सीमा साउदी अरबका जहाजहरूलाई पनि निशाना बनाएका थिए।