विकल पौडेल दम्पतीविरुद्ध ६८ करोड ९४ लाखको सम्पत्ति शुद्धीकरण मुद्दा दायर

काठमाडौँ । राजस्व अनुसन्धान विभागले सुरक्षण मुद्रण केन्द्रका पूर्व कार्यकारी निर्देशक विकल पौडेल र उनकी श्रीमती एलिना बस्नेतविरुद्ध झण्डै ६९ करोड रुपैयाँ बराबरको सम्पत्ति शुद्धीकरण मुद्दा दायर गरेको छ । विभागले ६८ करोड ९४ लाख ६५ हजार २०४ रुपैयाँ बिगो कायम गर्दै बुधबार जिल्ला सरकारी वकिल कार्यालयमार्फत काठमाडौँ जिल्ला अदालतमा अभियोग पत्र दायर गरेको हो ।

४३ वर्षीय पौडेल र उनकी श्रीमतीले गैरकानुनी रूपमा सम्पत्ति आर्जन गरेको अनुसन्धानबाट खुलेको विभागले जनाएको छ । पौडेलले ६१ करोड १३ लाख २१ हजार १५३ रुपैयाँ र उनकी श्रीमती एलिना बस्नेतले ७ करोड ८१ लाख ४४ हजार ५१ रुपैयाँ अवैध रूपमा आर्जन गरेको विभागको दाबी छ ।