दाजुको परिवार खोज्दै भौँतारिएका भीमप्रकाश : अझै सासकै आस छ

२३ भदौ, रोल्पा । रसुवाको भोटेकोशी नदीमा आएको बाढीपछि रोल्पाका एकै परिवारका ४ जनाको अहिलेसम्म अत्तोपत्तो छैन । परिवर्तन गाउँपालिका–६ थानेकोटका ४० का कुलप्रसाद बुढामगरको परिवार बाढीयता सम्पर्कविहीन छ ।

कुलप्रसादसँगै उनकी श्रीमती ३६ कि मीना घर्तीमगर, छोरा २१ वर्षीय डिपबुढा मगर र छोरी ४ वर्षीया खुशी बुढामगर सम्पर्कविहिन भएका हुन् । कुलप्रसादको परिवार करिब ९ वर्षदेखि रसुवाको टिमुरे बजारमा मासु पसल सञ्चालन गरेर बसेको थियो ।