फेक टिकटिक आईडी बनाएर अनलाइन ठगी गर्ने तीन जना पक्राउ

काठमाडौँ। सामाजिक सञ्जाल टिकटकमार्फत नक्कली (फेक) आईडी बनाएर सस्तो मूल्यमा ईभी स्कुटर तथा मोटरसाइकलका पार्टपुर्जा बिक्री गर्ने नाममा अनलाइन ठगी गर्ने तीन जनालाई प्रहरीले पक्राउ गरेको छ।

पक्राउ पर्नेहरूमा सर्लाहीको लालबन्दी नगरपालिका–५ घर भई हाल ललितपुरको ग्वार्को बस्ने २१ वर्षीय सन्दीप कुमार सिंह कुशवाहा, सप्तरीको राजविराज नगरपालिका–९ घर भई ललितपुरको ग्वार्को बस्ने २१ वर्षीय सुमित दास र महोत्तरीको गौशाला नगरपालिका–५ घर भई काठमाडौँको गोकर्णेश्वर बस्ने २२ वर्षीय दिपुश सिंह रहेका छन्।