अत्तोपत्तो छैन ५ सय बढि विदेशी पाहुनाको

भोटेकोशी बाढीमा अलपत्र परेका १ सय २१ जना विदेशी पर्यटकको उद्धार गरिएको पर्यटन बोर्डले बताएको छ। बाढीमा परेर अझै ५ सय १७ जना विदेशी पर्यटक सम्पर्कविहीन रहेका छन्। त्यस्तै नेपाल घुम्न आएका विदेशमा बस्ने १ सय २७ जना नेपाली नागरिक पनि सम्पर्कविहीन छन्।

पर्यटन बोर्डका अनुसार उद्धार भएका मध्ये सबैभन्दा बढी भारतीय पर्यटक रहेका छन्। ८५ जना भारतीय पर्यटकको उद्धार भएको बोर्डले बताएको छ। त्यस्तै १६ जना चिनियाँ, ९ जना दक्षिण कोरियाका पर्यटकको पनि उद्धार भएको छ।