'उपभोग्य वस्तुको अभाव छ, महँगी छ': सरकार के गर्दै छ

राजधानी काठमाण्डूमा एलपी ग्यास हात पार्नु असाध्य कठिन भएको, चामल र दालमा पसलैपिच्छे फरक-फरक भाउ तोकिएको, चिनी खोज्न धेरैतिर भौँतारिनु पर्ने र महँगो भएको कैयौँ उपभोक्ताले बताउने गरेका छन्।। तरकारीको भाउ दिनदिनै बढेको पाइन्छ।

"यी नभई नहुने दैनिक अत्यावश्यक वस्तु हुन्। जसमा सरकारले सजिलै हात उठाएको छ। उपभोक्ताको दैनिक जीवन अस्तव्यस्त बनेको छ," उपभोक्तावादी संस्था कन्जुमर आई नेपालकी सभापति विमला खनाल भन्छिन्।