वैदेशिक रोजगार विभागले म्यानपावरलाई भन्यो– पीडितका उजुरी फरफारक नगरे कारबाही हुन्छ

वैदेशिक रोजगार विभागले पीडित श्रमिकले गरेका उजुरी तथा निवेदनको जतिसक्दो छिटो फरफारक गर्न म्यानपावर कम्पनीहरूलाई निर्देशन दिएको छ ।

वैदेशिक रोजगारीका क्रममा रहेका वा समस्यामा परी स्वदेश फर्किएका श्रमिकहरूले गरेका उजुरी तथा निवेदन उपर सम्बन्धित म्यानपावर कम्पनीले समस्या समाधानका लागि पहल नगरेको भन्दै यस्तो निर्देशन दिएको छ ।