स्वास्थ्य र जलवायुमा जर्मनीले नेपाललाई १ अर्ब २९ करोडभन्दा बढी सहयोग गर्ने

काठमाडौं- रसुवा हुँदै त्रिशूली करिडोरमा आएको विनाशकारी बाढीपछि जर्मनीले नेपालमा स्वास्थ्य, स्वच्छ ऊर्जा र जलवायु अनुकूलनका क्षेत्रमा ७३ लाख ५० हजार युरो (अर्थात् १ अर्ब २९ करोडभन्दा बढी रुपैयाँ) सहयोग गर्ने भएको छ।

जर्मनीले तत्कालीन राहतसँगै विपद्पछि प्रभावित समुदायको पुनर्निर्माण र भविष्यमा यस्ता विपद्सँग जुध्न सक्ने क्षमता विकासलाई प्राथमिकता दिएको हो। अगस्ट २६ को बाढीले रसुवा, नुवाकोट, धादिङलगायत क्षेत्रमा घर, सडक, पुल, स्वास्थ्य संस्था तथा जलविद्युत् पूर्वाधारमा ठूलो क्षति पुर्‍याएको छ।