आईओई प्रवेश परीक्षा २८ असारदेखि, यसरी दिनुहोस् अनलाइन आवेदन

काठमाडौँ । त्रिभुवन विश्वविद्यालय, इन्जिनियरिङ अध्ययन संस्थान (आईओई) ले शैक्षिक वर्ष २०८३/०८४ का लागि स्नातक तह (बी.ई. र बी.आर्क.) मा नयाँ विद्यार्थी भर्ना लिन प्रवेश परीक्षाको आवेदन खुला गरेको छ । आगामी २८ असारदेखि सञ्चालन हुने परीक्षाका लागि बुधबार बिहान १० बजेदेखि अनलाइन आवेदन दिन सकिने संस्थानले जनाएको छ ।

विगतका वर्षहरूमा आईओईले साउन अन्तिम वा भदौ पहिलो सातातिर प्रवेश परीक्षा लिने गरेको थियो । सोही अनुरूप संस्थानले सुरुमा सार्वजनिक गरेको वार्षिक शैक्षिक क्यालेन्डरमा १५ साउनदेखि १५ भदौभित्र परीक्षा लिने उल्लेख थियो ।