गुठी संस्थानविरुद्ध जनकपुरधाममा प्रदर्शन, जनकपुर-ढल्केवर मुख्य सडक जाम [भिडियो]

जनकपुर। जनकपुरधाम उपमहानगरपालिका वडा नं. १४ का स्थानीयवासीहरुले जनकपुर ढल्केवर मुख्य सडक जाम गरेका छन् । गुठी संस्थानले आफूहरुलाई जबरजस्ती उठीबास लगाउन खोजेको भन्दै मंगलबार (आज) मुख्य सडक जाम गरी प्रदर्शन गरेका छन् ।

गुठी संस्थानले राजगुठी अन्तर्गतका पोखरी तथा पोखरीका डिलमा भएको अतिक्रम हटाउने कार्य गरिरहेको छ । सो अन्तर्गत एक चरणको पोखरी तथा पोखरीको डिल खाली गर्ने कार्य भइसकेको छ भने गत १९ गत्ते गुठी संस्थानले पुनः १४ स्थानका अतिक्रमित जग्गा खाली गर्न सूचना निकालेको छ ।