आर्थिक जोखिममा मधेश सरकार : ७ अर्ब बजेट घट्ने अनुमान

२३ भदौ, जनकपुरधाम । मधेश प्रदेश सरकार आर्थिक जोखिममा परेको छ । मधेश सरकारले चालु आर्थिक वर्ष २०८३/०८४ को लागि गत १ असारमा ल्याएको ४१ अर्ब १३ करोड ८६ लाखको बजेट घट्ने अनुमान गरिएको छ ।

बजेट असारमै सदनबाट पास भएर कार्यान्वयनमा आएपछि ठूलो मात्रामा बजेट घट्ने आकलन सरकारको छ । कृष्णप्रसाद यादव नेतृत्वको सरकारले आर्थिक जोखिमलाई टार्न विभिन्न शीर्षकमा बजेट कट्टा गर्ने तथा रोक्का गर्ने नीति लिएको छ ।