लुम्बिनीमा प्रहरीको विशेष अभियान : सामुदायिक वन तथा ओढारबाट २० थान भरुवा बन्दुक बरामद

दाङ । लुम्बिनी प्रदेशका विभिन्न जिल्लामा प्रहरीले सञ्चालन गरेको विशेष खोजतलास अभियानका क्रममा विभिन्न सामुदायिक वन र जङ्गलका ओढारहरूबाट जम्मा २० थान अवैध भरुवा बन्दुक बरामद गरिएको छ।

अवैध हतियार नियन्त्रण गर्ने उद्देश्यले चलाइएको यो अभियानका क्रममा प्युठान, रुकुम पूर्व र दाङका विभिन्न स्थानबाट ती बन्दुकहरू फेला परेका हुन्।