एक वर्षपछि सम्झँदा: संकटको घडीमा एभरेष्ट हस्पिटलको मानवीय दायित्व

आजभन्दा ठीक एक वर्षअघि, २०८२ भाद्र २३ र २४ गते, काठमाडौंले एउटा असाधारण र संवेदनशील परिस्थिति सामना गरिरहेको थियो। त्यस समयको सामाजिक तथा राजनीतिक परिस्थितिबारे आज विभिन्न दृष्टिकोणबाट बहस भइरहेका छन्। तर एउटा स्वास्थ्य संस्थाका रूपमा एभरेष्ट हस्पिटलका लागि ती दुई दिनको सबैभन्दा महत्त्वपूर्ण पक्ष थियो- घाइते र बिरामीहरूको जीवन रक्षा तथा मानवीय सेवाप्रति हाम्रो दायित्व।

संघीय संसद् भवनबाट करिब पाँच सय मिटरको दूरीमा रहेको नयाँ बानेश्वरस्थित एभरेष्ट हस्पिटलले विगतदेखि नै विभिन्न आन्दोलन, सामाजिक तनाव तथा आकस्मिक परिस्थितिमा सर्वसाधारणलाई स्वास्थ्य सेवा प्रदान गर्दै आएको छ। गत वर्षको जेनजी आन्दोलन पनि हाम्रो संस्थागत यात्राको एउटा गम्भीर र चुनौती पूर्ण अध्याय बन्यो।