अप्टिमस ग्लोबल एजुकेसनलाई ‘मोस्ट प्रिफर्ड कन्सल्टेन्सी यूके अवार्ड’

काठमाडौं । पुतलीसडकमा अवस्थित शैक्षिक परामर्श दाता अप्टिमस ग्लोबल एजुकेसन कन्सल्टेन्सी ‘मोस्ट प्रिफर्ड कन्सल्टेन्सी — यूके अवार्ड’बाट सम्मानित भएको छ।

केन्द्रबिन्दु अनलाइन मिडिया प्रालिद्वारा मंगलबार ललितपुरस्थित द प्लाजामा आयोजित ‘चौथो संस्करणको केन्द्रबिन्दु एजुकेसन एक्सिलेन्स अवार्ड २०८३’ को अवसरमा यूके शिक्षा परामर्श क्षेत्रमा व्यावसायिक उत्कृष्टता, विद्यार्थीमैत्री सेवा, उच्च सफलता दर तथा सेवाप्रतिको प्रतिबद्धताको उच्च मूल्याङ्कन गर्दै यस कन्सल्टेन्सीलाई उक्त विधामा सम्मानित गरिएको हो।